Kyo kolahal evam ghargharahat
aur yeh kaisi ghabrahat,
mana hai Naya Jagat yeh
par kaisi hai yeh haalat,

shor kahin dhuao ke badal
aur bante eento ki jungle,
tehas nehas kar chuke jahaan ko
kya is liye jaate hai mangal,

rang bhed aabhi chhoota nahin
naye khatre aa gaye yahan,
kya hasil hoga mangal
nahin bacha paye jahaan,

bali de chuke aadarsho ki
niti ki hai kishe parvah,
khoon kharaaba hai aadat ab
jeene ki rahi kisko chah,

dil dehlane wali khabre
milti hai sunne ko yahaan vahaan,
kya is liye janme the hum
aur bana tha yeh jahaan.